«Меҳр нури» нодавлат нотижорат ташкилоти бўлиб, халқимизга хос раҳм-шавқат, дўстлик ва мурувватлилик анъаналари асосида ўз фаолиятини олиб боради. Фаолиятимизнинг асосий йўналишлари – ижтимоий ҳимоя, ҳомийлик ёрдами, тадбиркорлик ва фермерлик ҳамда истеъдодли ёшларни қўллаб-қувватлашдир.
Жамғарма шиори – «Ҳайрли ишни ҳар куни қилиш керак!» - бир нечта сўзларда ташкилотнинг асосий ғоясини ифодалаган бўлиб, у олдига қўйилган вазифаларни масъулият билан бажарувчи инсонларни атрофида бирлаштирган.
Давоми
25-27 март кунлари Навоий ва Қашқадарё вилоятларида “1000 та Никоҳ ва 1000 та Суннат тўйлари” хайрия лойиҳаси бўлиб ўтди. Умумий ҳисобда 123 нафар келин-куёв учун Никоҳ ҳамда ижтимоий ҳимояга муҳтож ва Меҳрибонлик уйлари тарбияланувчилари бўлган 200 нафар бола учун Суннат тўйлари ўтказиб берилди. Ҳар иккала вилоятдан мустақил равишда тўй маросими ўтказишга қийналаётган жуфтлар саралаб олинди. Булар Меҳрибонлик уйларида тарбияланган ўғил-қизлар, ота-онасини йўқотганлар ёки кўп фарзандли оилаларда фарзандларидир. Йил сўнггига қадар 1000 та Никоҳ ва Суннат тўйлари барча вилоятларда ўтказилади.
Давоми
Тўй ҳар бир инсон учун узоқ кутилган, унутилмас, бетакрор кун. У ёрқин ҳодисаларга, ёқимли воқеаларга бой бўлади. Икки жуфт тахтиравондан ўрин олиб, уларнинг шарафига илиқ сўзлар, табриклар, эзгу тилаклар янграйди. “1000 та Никоҳ ва 1000 та Суннат тўйлар” хайрия лойиҳаси Навоий вилоятидан бошланди. Республика миқёсида йил бўйи ўтказилиши кутилаётган мазкур йирик лойиҳа Фонд Форум, “Аёллар кенгаши” республика жамоат бирлашмаси, “Меҳр нури” жамоат жамғармаси ҳамда Ижтимоий ташаббусларни қўллаб-қувватлаш фонди томонидан ўтказилмоқда.
Давоми
4 март куни пойтахтимиздаги “Интерконтиненталь” меҳмонхонасида ўтказилган “Тўй мавсуми-2012” кўргазмаси доирасида Фонд Форум, “Аёллар кенгаши” РЖБ, “Меҳр нури” жамғармаси, Ижтимоий ташаббусларни қўллаб-қувватлаш фонди ҳамкорлигидаги хайрия лойиҳаси тақдимоти бўлиб ўтди. Мазкур лойиҳа доирасида 2012 йилда ижтимой ҳимояга муҳтож оилалар вакиллари учун Никоҳ тўйлари ҳамда Суннат тўйлари ўтказиб берилади. Ҳаммаси бўлиб бутун республикамиз бўлаб 1000 та Суннат ва яна шунча Никоҳ тўйлари ташкил этиш режалаштирилган.
Давоми
|
|
||
|
||||
|
||||
